كورسات

رحلتى مع الكورسات

الحمد لله المرحله السابقه أخذت عدد من الكورسات فى مجال الإداره والأعمال ودبلومه فى الأبحاث ولغات وكمبيوتر بسم الله ما شاء الله ولا حول ولا قوه إلا بالله  لم أجلس أسبوع كامل فى بيتى فى  تلك الفتره

كان هناك عدد من الأشخاص المؤثره  يجب أن أذكرهم  لأنى فعلا سعدت بلقاءهم

د/ محمد البحراوى

مدرب دولى فى مجال الإداره

شخصيه رائعه أستفدت منه كثيرا وأستمتع جدا بالبرنامج الذى مارسته معه وسألته سؤال وسط الجمهور

قلت  :هل حضرتك كنت مخطط لكى تكون ما أنت عليه الأن ما شاء الله مدرب عالمى فى الإداره ؟

قال لا

وقال أشكرك يا بنتى

"قال كنت طالب مثل أى طالب مدلل لكن نقطه التحول فى حياتى "الغيره"صعب عليا نفسى أنى لاقيت أصحاب أقل منى فى القدرات وصلوا لمناصب أعلى وشعرت أن عندى قدرات فنمتها وأصبحت الأن ما أنا عليه" هى مسأله تنميه قدرات ومهارات وإراده قويه

د/هانى سليمان

شخصيه ماهره وطموحه

هو طبيب فى القصر العينى ومدرب ماهر فى مجال التنميه للشركات والإداره

أتذكر أننى دخلت المحاضره الاولى له متأخره بسبب إجراء روتينى فى "مبنى القبه جامعه القاهره"

وعندما دخلت قال انتى  أيه بعد 20 سنه يا أنسه فكريه؟ الحمد لله جاوبت بثقه جعلته ينظر الى ويقول شايفين الحماس هو ده اللى أنا عاوزه"وبدأت أفكارنا فى الكورس تندمج وتتناغم معه وكان سعيد جدا وأثر فيا جدا

بجد إنسان طموح رغم أنه سنه كبير طموح وتعلمت منه هذه النقطه " طموح " قالى لا تجعلى الزمن يكتم جواكى حلمك وقال انا لما بشعر ان فى حد عايز يحبطنى بذهب الى الكافيه "ودى كلمه فيها فلسفه كبيره قالى أخرجى وأنظرى الى الناس هتلاقى نفسك بتعيدى حساباتك وبترجعى مره أخرى لحماسك" وهنا قصد ان أخرج من المكان الذى يحبطنى وأستعيد حماسى ثم أعود مره أخرى *

أكيد سألته بتروح في أى كافيه من باب المزاح قال كوستا كافيه قلتله حبيب قلبى من الأماكن المفضله لدى أنا وبابا :)

د/محمد سالمان

دكتور السياسه والمياه الدوليه فى جامعه القاهره

وأخذت معه دبلومه الأبحاث المطعمه بالسياسه وعشت جو سياسى رهيب معه وأخذت منه فلوس كتييييير

كان ناوى يحولى الفلوس على البنك يوميا من كثره ما دفع لى

السؤال عليه فلوس فكنت بجاوب الحمد لله وربنا كرمنا

وده لأنى اصلا عندى خلفيه فى مجال الابحاث من خلال شغلى مع الفريق لكن كنت عامله نفسى غلبانه

عرفت يعنى أيه سياسه وعرفت يعنى أيه فهم وإنك تفهم كويس مجال البحث العلمى مش سهل ومحتاج شخصيه باحثه قبل أن تكون باحث علمى
**********************
فعلا تأثرت بهم جدا وأستفدت منهم بشكل كبير وأتكلمت معهم بصوره وديه بعد المحاضرات و كنت سعيده جدا بتعليقاتهم عليا
والحمد لله ربنا كرمنى أنى من الطلاب المشاغبين المبادرين بالإجابه و فعلا جننتهم فى الكورسات وضحكنا كتير وتعرفت على طلاب من جميع كليات جامعه القاهره لأنها كانت منحه للمتفوقين والأوائل  على مستوى الجامعه  وهذا أدى أنى اقابل شخصيات عديده وأتعلم منهم ومن أسلوبهم .
الحمد لله تقابلت مع عدد كبير من المعلمين لكن هؤلاء الثلاثه أكثرهم تأثيرا  فى نفسى
واللهم لك الحمد ولك الشكر