بحبك

بحبك يا رسول الله بحبك بحبك
من فتره سمعت أن ممكن الانسان يعمل صله مع حد أخر لدرجه أن يفعل نفس تصرفاته وحركاته وتفكيره وده برنامج فى علم الطاقه
لكن لما فكرت أن مع من ممكن اعمل صله بالطاقه والترددات ؟ فكرت فيك يا رسول الله عليك الصلاه والسلام
يااااااااااه لو الشباب تحاول تعمل صله بيك يا سلااام لو حضرتك يا رسول الله أول شخص نفكر فيه أول شخص نجرى عليه ونقلده




(اللهم أحى سنه رسولك عليه الصلاه والسلام
)))

الحمد لله

لو فى "بشر" حلم بحلم وفاكر أن الحلم ده أكبر شئ ممكن يوصله الأنسان
أحب أعرف البشر أجمعين أن حلمى أكبر من أى حاجه ممكن أى شخص يحلم بيها
أنا بحلم وبحقق حلمى وكل يوم بفضل الله بوصل خطوه
الخطوه فى حلمى اللى بخطيها مش مجرد خطوه عاديه خطوتى مثل خطوه" البراق" الذى صعد به الرسول عليه الصلاه والسلام الى سدره المنتهى



ياااااااااااااااااااارب أرجوك أرحمنى وفقنى وأرضى عنى يا رب ياالله يا الله يا الله

لأول مره احس بالخوف!

كان عندى مقابله مع منظمه فى غايه الجمال سوف أتحدث عنها لاحقا بطلاقه
حسيت بخوف خوف شديد من أول لحظه جلست فيها مع تلك الاشخاص
أستغربت نفسى الخجوله جدا وأنا بطلب أنى انضم لهذه الجماعه لكن كان هناك دافع قوى لكى التحق بها وهى أنى أريد أن أصل ألى هدفى الى شعارى الذى دائما أريد تحقيقه
كان يجب على أن أتخذ هذه الخطوه
لكن الغررررررررررريب
أنى أول ما خلصت المقابله جريت وذهبت الى المسجد وصليت العصر مرتين لأنى فى المره الاول بكيت بشده لدرجه أنى لم أعرف ما قلت لذلك أعدت الصلاه مره أخرى
ثم ذهبت الى أصحابى وبكيت وجعلت كل من حولى يبكى ومازلت أبكى ولا أعرف ما سبب البكاء لكنى أبكى أبكى ولا أستطيع التوقف عن البكاء
كل من يرانى يشعر أنه يتحدث مه شخصيه قويه لكنى للأسف أبكى وأبكى
ياااااااااااااارب أنضم ليهم يا رب ننجح معا
يا رب يكون فيهم الخير يا رب يا رب أستجب لدعائى
يا رب يا الله
اللهم صلى وسلم على سيدنا محمد

حلم

بحلم وأنا حسه أنى هحقق حلمى أكيد بإذن الله لأن إحساسى لايكذب وخصوصا عليه بحلم وهوصل أكيد هوصل حدود حلمى أكبر أكبر من إطار بلدى أكبر من إطار العالم حلمى هيوصلنى الى سابع سماء الى اعلى الدرجات سأتدرج الى ان اصل الى هذا الحلم
سأصل فى اقل وقت ممكن مع اكبر خبره ممكنه أكيد أكيد اكيد بإذن الله أكيد وأنا متأكده لأن عندى يقين بالله عز وجل

الحمد لله

البحث اللى عملتوا فى الأدب السكندرى عن (ملياجروس السورى وإبجرامات فتره الرجوله) عجب الدكتور وأحتفظ بالبحث فى مكتبه القسم الحمد لله الحمد لله

جمهوريه زينون

ربما يعلم عدد من الناس جمهوريه أفلاطون المثاليه
لكن هنال جمهوريه زينون الأكثر مثاليه فزينون أتخذ شكل النبى العربى فى اسلوب كتابته الفلسفيه على أنه يحمل رساله يريد أن ويؤمن بها أتباعه فو فيلسوف يونانى كبير من العصر الهلينستى وأحد رواد المدرسه الرواقيه
ما هى تلك الجمهوريه؟
هى عالم يعيش فيه الحكماء وما صفات الحكماء
1- التخلى عن الشهوات
2- التخلى عن الأنفعلات
3-الوفاق مع الطبيعه
وهنا ما صفات تلك الجمهوريه التى سوف يعيش فيها هذا الحكيم
أولا - لا توجد فيها محاكم لأنهم حكماء فلا أحد منهم يظلم أحد أو يجور على حقه
ثانيا- هم يحتكرون مفهوم الصداقه لأنهم حكماء فهم سوف يراعوا تلك الصداقه
ثالثا- توحيد الملابس بين النساء والرجال لأنهم حكماء ليس بينهم شهوات
رابعا- عدم صك العملات المعدنيه لان الطبيعه لا تحتاج الى هذه النقود وهم أشخاص على وفاق مع الطبيعه
خامسا- عدم بناء المعابد لأن الآلهه ليس فى حاجه للمعابد أنما البشر هم اللذين يبنوا المعابد ليتقربوا الى الآلهه لكى تلبى رغبتهم وهم أشخاص متخليون عن أنفعلاتهم
هذ بعض قواعد الجمهوريه التى سيعيش فيها هؤلاء الحكماء
وهو تصل الى درجه الخيال المستحل
فجمهوريه أفلاطون أكثر واقعيه حيث أنه قسم البشر الى ثلاث طبقات 1- الحكماء
2- الفرسان
3- العمال
الفرق الأكبر بينه وبين زينون هو أن زينون كان أكثر عولمه يعنى أراد عااااااااااالم كبير للبشر أجمعين
أما أفلاطون أراد دوله واحده بها تلك الصفات
ما الهدف من كتابتى لتلك الجمهوريه فى المدونه؟ هو أن الباحثين تخصصواووضعوا وجمعوا القواعد التى كتبها زينون وافلاطون فى الجمهوريه وبعضهم يقول لماذا لا نفعل مثل ما فعل زينون وأفلاطون ونحن بين يدينا الحضاره الأسلاميه وأنا كمسلمه ليس لدى القدره على ترتيب ومعرفه ما هى مبادئ الدوله الأسلاميه؟
وكل يوم يظهر من هو يقول لماذا لم نفعل مثل فلان وفلان من علماء العصور العتيقه التى أفكارهم لم تتناسب حتى مع عصرهم وكانت مجرد كلام على ورق معظمه لم ينفذ ولم يطبق فليس هناك من يبحث عن تلك العلوم التى نحتاجها فى عصرنا هذا وأقصد الدارسين الجدد وأصحاب الدراسات العليا الذين انشغلوا بمعرفه هل فلان من العلماء كان موجود بالفعل أم لا وهل هو حقيقى لم لا؟ هذه هى الابحاث القائمه الأن حيث أننا مفتقدون الأبحاث والدراسات العليا التى بالفعل نحتاجها لبناء المجتمع وتركنا هذه الاشياء المهمه للأجانب الذين يقيموا أبحاث فى ديننا ويتوصلوا الى اعلى النتائج فى التنميه الحياتيه والعلميه من خلال أبحاث فى ديننا الأسلامى (( سبحان الله العلى العظيم))
ملحوظه بالنسبه لجمهوريه زينون لا توجد مصادر بالعربيه المصادر الوحيد ابحاث باللغه اليونانيه للدكتوره هدى الخولى

يا بنات !

يا أخواتى الكرام
فى حكايه ممتعه جدا عايزه أقولها( كان فى بنت جميله جدا تقدم واحد من الناس لخطبتها وطبعا أستمرت الخطوبه لمده من الوقت .
فى الوقت ده الشاب المتقدم شاف البنت الجميله مسك أيداها لمس شعرها وحاجات أخرى تقريبا ده ليه? لأنه خطيبها
المهم اكتشف انه مش مناسب ليها تركها وفسخ الخطوبه

هى دى الحكايه لكن ثوانى أيه اللى حصل للبنت بعد كده
أكيد أتخطبت مره كمان لشخص أخر محترم جدا جدا بيغير عليها أوى وفى يوم قابل صاحبنا خطبها الأول أيوه! ما هماكانوا أصحاب فى الجامعه المهم
قالوا أيه اخبارك قال كنت خاطب واحده بس متفقناش
قالوا ليه بس كده
قال أستنى لما أوريك صور الشبكه أصلى لسه شايلها معايا دى كانت حلوه أوى
فجأ طلع الصور وشاف خطبتو متعلقه فى يد خطبها الأول
المهم عمل نفسوا ميعرفهاش وقالوا هى أخلاقه كانت وحشه ولا أيه?
خطبها الأول قال يا عم بلاش نجيب فى سيره حد على شان حراام
قالوا طيب عندك حق
أكيد متخيلين أيه اللى حصل فى البنت .............
ليه يا جماعه حصل كده
أولا = لو البنت من الأول فهمت ان الدين بيحافظ على سمعه البنت وكيانها كانت
1= تعاملت مع خطيبها بالمفهوم الصحيح يعنى هو مثل الرجل الغريب ليس من المناسب أن يرى زيناتها
2= وفى يوم الفرح طبعا كل بنت تتمنى ان تكون أجمل بنت فى الدنيا لكن ليس هناك داعى أن تتصورى مع رجل غريب ثم تبقى هذه الصور عقبه فى حياتك بعد ذلك
3= لا تفقدى رصيدك العاطفى فى فتره الخطوبه على فكره الحب بيخلص بمعنى أخر الأنسان بطبعه بيمل من الشئ المتكرر وفى هذا الزمن تقوم البنت والولد فى فتره الخطوبه بإظهار كل مشاعر الحب مهما كانت وهذا يؤثر فى العلاقه بعد الزواج
4= ايضا الخروج فى فتره الخطوبه من الأشياء التى تسبب الملل بعد ذلك فى الزواج بمعنى أنه اكيد هيكسل الخروج بعد الزواج وهيقول محنا رحنا هناك قبل كده وهتحصل مشاكل وممل ممل ممل
الانسان ممكن يعمل كل حاجه هو يعوزها لو صبر يعنى فيها أيه ان يفعلوا هذا فى الحلال وهم متزوجان أكيد هيكون أجمل وغير كده الله عز وجل يرزقهم البركه فى العمر وفى هذه الزيجه
والحاجات اللى ذكرتها الدين منعنا أننا نفعلها
بجد ما أجمل الدين الأسلاااااااااااااااااااااااامى

الدين الاسلامى= الحجاب (خطأ طبعا)

على فكره الشهاده هى (لا اله إلا الله محمد رسول الله).

ثم الرسول عليه الصلاه والسلام تدرج فى دعوته للبشر بامر الله عز وجل حيث لم يفرض الحجاب من اول يوم بل حرص على الحجاب الأخلاقى ثم من خلال ذالك الحجاب الأخلاقى برتدى الحجاب الساتر )للجوهره المسلمه والمفيد لكبت الشهوات الأنسانيه من تعدى الخط الأحمر للأخلاق
لكن................................................
خلاص هو مفيش غير مشكله الحجاب اللى جميع البرامج التلفزيونيه والفضائيه بتكلم عنه فعلا شكرا
شكرا على بيحصل فينا شكرا
حسبى الله ونعم الوكيل

شكرا على العقول المتعفنه التى أصابت أخلاقنا بالعفونه أيضا
شكرا للعقول السليمه التى تركتنا للعفونه وتورعت عن الشهره فتركتنا فى ما نحن فيه
الساكت عن الحق شيطان أخرس وأصحاب الحق فى عقولهم عاشوا وأتحبسوا بداخلها لدرجه العجز عن التعمير العقلى للشباب

مسلمون لكن ................مشغولون

سويسرا تريد أن تهدم مأذنه بعض المساجد هناك
كان خبر فى نشره الاخبار صباحا
تلقيت هذا الخبر وبدأ العرض الحالى يبدأ
حيث ذهب فكرى وتذكر الدنمارك وما قالته عن الرسوال عليه الصلاه والسلام
تذكرت فلسطين والسرقه المعلنه(تقسيم الأرض)
وايضا العرااااااااااااااااااااق وما حدث بها
تذكرت معاهده أخلاء المنطقه من أى أسلحه نوويه( الكلام مش ليكى يا جاره)لكن على كل البلاد
تذكرت صنع العداء المفتعل بيننا وبين ايران
تذكرت الود الذى أنقطع بضربه قدم بيننا وبين الجزائر
تذكرت قطر وأسلوبها ال...(تتتيتتت)...........وقناه الجزيره الغير منصفه
تذكرت الجندى الأسرائيلى الذى سيبدل بحوالى 800 فلسطينى( واحد=800) صح !
تذكر أوباما والحلم العربى وأنتظار العرب له لكى يحرر البشريه
بعد ما تذكرت كل ده
وهو العرب ......أين ؟
المسلمون ...اين ؟
يمكن مشغولين!
يا ترى ما الذى يشغل المسلمون العرب؟

كبر دماغك=(الله اكبر)!

تحدثت مع إحدى زميلاتى فى موضوع ما ثم فى نهايه الموضوع قالت(كبرى دماغك يا فكريه)الكلمه دى أحنا بنسمعها كتيرررررررررررررررررر المهم جلست أتفكر فى معنى هذه الكلمه بعد أنتهاء الحوار مع صدقتى فكرت

كبرى؟؟يعنى أيه أكيد لن أجعل من حجم دماغى أكبر هههههههههههههه هى المقصود منها معنى أنى أصرف نظر عن شغله معينه

هذا هو المعنى المتداول

لكن لما جلست مع صدقتى مره أخرى وقالت( كبرى دماغك يا فكريه)

كان ردى عليها

*الله اكبر*

حينها تذكرت مشهد الصلاه عندما نقول* الله أكبر* لكى نلقى الدنيا وما فيها خلف ذالك القول

ومن هنا توصلت أن كبر دماغك معناها* الله اكبر* لكن بلغه الشباب

يا ترى هتقدرى

قرأت حالا مقال الأستاذ ايهاب محروس عن المسافه بين المأزق والمخرج والدوله الاسلاميه والحياه الاسلاميه
طيب جميل أنا طبعا فى حاله نفسيه كنت محتاجه فيها أنى أقرأ الموضوع ده
وبعدها سألت نفسى يا ترى هتقدرى ؟
هقدر بإذن الله
أمامى سنه لكى أصل الى الخطه اللى وضعتها بدأت كورسات ودراسه وبعثات أن شاء الله وحاجات كتير
لكن اليوم او كل يوم لا تعجبنى نفسى بمعنى بقول أكيد هقدر أعطى أكثر أطور من نفسى أحسن من قدراتى أكتر
لازم يا فكريه لازم أكيد بإذن الله أكيد
هناك أشياء تجعلنى متطوره
1- ذكر الله
2- الصلاه فى وقتها
3-النظام(الخطط الاسبوعيه +المواعيد+تنظيم الأدوات)
4-القراءه والترفيه عن النفس
5- طاعه أمى وأبى وألاستقرار العائلى
لكن فى حاجه تحت التعديل وهى أهم حاجه وكل الناس شايفين أنى مثاليه فيها إلا أنا
هتكلم عنها لما أصلحها يااااااااااااااااااااااااااااااااااااااااااارب قوينى محتاجالك يا رب فى كل وقت وكل حين يارب قوى ضعفى وأسترنى

الحفله

http://www.classicscu.edu.eg/index.htm

حفله القسم يوم الخميس ان شاء الله أنا متشوقه جدا لحضور الحفله وأكيد هكتب موضوع عن بعض الشخصيات الموجوده عندنا فى القسم

أستاذى إيهاب محروس

السلام عليكم ورحمته الله وبركاته
كنت مشغوله جدا الفتره الاخيره من حياتى ربنا يجعلها خير وعلم نافع
لكن أول ما دخلت على النت" جريت" على مدونه الأستاذ أيهاب محروس معلمى الفاضل
وقرأت عن البصيره وعن الموضوعات اللى فاتتنى وذهب لوادى الحكمه أغترفت منه المعانى وتعايشت فيه مع كبار الكتاب من القديم والجديد
دائما كنت أذكر معلمى أيهاب محروس للجميع وأقول أنه أستاذى وأجتهدت أنى أكون فى صوره حقيقه تدل أنى تلميذ للأستاذ أيهاب محروس جزاااااااااااااااااااااااااااااااااااااااه الله خيرا
http://s4change.blogspot.com/
أنا ألحقت معظم مدونات معلمى قبل فقره "من أنا" لأن من يرى ما كتبه ويكتبه ألأستاذ ايهاب محروس سيعلم من أنا

الروتين فى الحياه المصريه أدى الى الروتين فى ألاهداف

الشخص =الاستاذ شريف حمدى
مصرى من سوهاج
الحاله الاجتماعيه =مهندس بترول متزوج وله طفلان
السؤال=حضرتك كنت واضع خطه وانت طالب وكنت شايف هدف معين ولا كانت حياتك روتينيه؟
الاجابه= روتينيه بكل صراحه
وبعد كده سألت ليه ؟
قال= لأنى ولد عايز أشتغل وأكون نفسى ورايه جيش ومسئوليه
وبعد كده سألته عن سفره الى روسيا ؟
قال=أنه تعلم منها حجات كتير كتير مفيده  من حيث تنظيم الوقت وحساب الحياه بطريقه عمليه وأنه حاول يقتبس من حياتهم وعمل هدف ومشروع لكن لما رجع مصر لم يجد من يشجعه على هدفه وخاف أن تضيع فرصه عمله فى الشركه
لم يرى حين ذلك غير حياته القديمه
وتناقشنا ان المصريين يعملون من أجل الفلوس ليس من أجل حب العمل
وافقنى الرأى وأضاف نقطه فى غايه الأهميه هى(ان فى مصر المدير او اى مسؤال لا يعطى الفرصه للأخر لكى يتفوق عليه )
لكن..........................
قالى كلمه حلوه اوى وهى أن لو أنتى وضعتى هدف فى شئ معين عيزاه لو الشئ ده مجاش( عادى) لكن أهتم أـكثر بأن أكون على مستوى يجعل لى مكانه فى أى مجال أخر مهما كان
وسألته لماذا لا تسعى لكى تعيش فى العاصمه؟
قال1- لا أحب الحياه فى القاهره
2- الحياه فى سوهاج تكلفتها أقل من القاهره
(أنا من جوايا شفت نموذج مصرى حكمت عليه الظروف أنه يكون روتينى مع أن عنده قدرات رائعه وقدره على التعلم وذكاء لو كان موجود خارج مصر ممكن كان يكون ليه شأن لأنه كمان بيتميز بالتفانى فى العمل وتحمل الشغل)
لكن أن شاء الله هتحمل وأحاول أنى أتخطى الروتين وأصل الى هدفى
والله المستعان
وللأسف هى دى حياتنا فى مصر روتين ×أحلام روتين=أشخاص روتين

رمضان

رمضان أنا فرحانه بيك أوى
أكيد هخرج منك انسانه جديد لكن
سوف تظل بداخلى لا تخرج منى
أشعر بتطورفى الايمان حدث فى قلبى مختلف عن أى تطور حدث لى قبل ذلك
كل ما بكبر حبى ليك بيكبر لأنك بتخلينى دائما مع خالق الحب عز وجل ورسوال الحب عليه الصلاه والسلام
ان شاء الله هتخلينى أتمتع بصلاه السنه
وكمان خلتنى أتلوا القرآن الكريم بمتعه وفتح فى المعانى والتدبر
شجعتنى أن أغسل نفسى وأضع أهدافى بدون شوائب شهوانيه
أنا عايشه جواك حاله من الصفاء فعلا محتاجه ليها
عيشه جواك الايجابيه الناتجه عن التسامح التى دائما ما تجعلنى أرى أشياء تجعلنى أنظر نظره مختلفه للأمور لأول مره فى حياتى

الدراسه

بستعد للدراسه يعنى بجهز الملابس والمكتبه ( زحفت الكتب فى كل أنحاء المنزل وكل شنط الخروج ) والدفاتر
بجهز الطموح والهدف والحب والشوق الى الدراسه
لكن................................
حاسه بحاجه غريبه أسئله غريبه
أنا بفعل ذلك ليه؟
لمن؟
أفعل ذللك أبتغاء من .؟
هل هو أبتغاء رضا الله وتعمير الأرض ؟أم
هو أبتغاء نفسى؟
نعم عرفت الاجابه بل رأيتها
رأيت نفسى ترتدى ثوب أبتغاء الله ولكنه مجرد ثوب قناع تستتر من خلفه لكى تحقق شهواتها فهى تريد نفسها
ولكن............................
أنا لا أريد ذلك لهذا ان شاء الله سوف أسئل نفسى كل يوم كل خطوه أنا بعمل كده لمن؟ أذا كان لنفسى تركته واذا كان لله عز وجل سوف أتمسك به بنفسى وروحى
يارب أنا لا أسوى شئ ليس لى قيمه
بيدك الملك كله تهب الملك لمن تشاء وتنزع الملك ممن تشاء بيدك كل شئ أنت تقدر ولا أقدر أنت تعلم ولا أعلم ,انت علام الغيوب اللهم ان كان فى قلبى مثقال ذره من سوء أنزعها يا رب وأبدلها بالحب والخير
خايفه أوى منك يارب خايفه
أنا لك وحدك ليس لى أحد سواك كل شئ بفعله بفضلك يارب وفقتنى ليه
أرزقنى الصدق فى القول والعمل اللهم أرزقنى الصدق فى القول والعمل يا رب أرزقنى الصدق فى القو ل و العمل يا أرحم الراحمين يا رحماااااااااااااااااان يارب أنت الرحمن الرحيم
اللهم صلى على سيدنا محمد
خير أنا ظنى فيك يارب خير

من بعض الذى أشعر به

رمضان كررررررررررررررررررررررريم
يا رب أنا خايفه
خايفه أنسى
خايفه أنام
ياااااااااااااااااااااااااااااااااااااااااااارب
أكون رمضان كله معاك لك وحدك يا صاحب الملك للك أنت ربى ولى نعمتى
يا رب أكرمتى وأنعمت عليا بنعم لا تحصى ولاتعد
أنعمت عليا بنعم من كثرتها أشعر كأنها ثوب فضفاض يسع كل من يدخل فيه
أحمد يا رب وأشكر فضللللللللللللللللللللللللللللللك عليا وعلى أهلى الحمد لله والشكر لله
يا رب أنعمت عليا بنعمه الصلاه وعلقت قلبى بحبها حتى أنى أريد أن أبقى فى ألارض لكى أستمتع بالصلاه هى متعه متعه أتمنى أن لا تفارقنى
الحمد للك والشكر لك على عقلى الذى أيقن وجودك وقلبى الذى يراك ويشعر بحنانك
يا رب أنت حنين عليا وعالم بمشاعرى أنت ترى قلبى وما يخفى
ربى أحمدك وأشكرك لانى قرأت كتاب ((كشف الشبهات))) الذى جعل قلبى يقوااااااااااااااااااااااااااااااااااااااااااال
((((لا اله الا الله)))) يا رب أنتى ربى الله الواحد الأحد
ربى أنت تنظر لى نظره رحمه وحنان آراها وأشعر بها فى كل وقت
أحمدك وأشكرك
سبحااااااااااااااااااااااااااااااااااااااااااااااااااااااااااااااااااااااانك
اللهم أجرنا من النار وأرزقنا العتق من النار فى رمضان
اللهم أنى أشتقت أليك اللهم أنى أشتقت أليك

ما الهدف من الزواج؟

من وجهه نظرى
(((الزواج ليس بهدف الزواج فقط )))
وهذا ما رأيته فى مخيله العديد من الفتيات فى نفس سنى((ظل راجل ولا ظل حيطه))) وهذا النوع من الزواج جعلهم يتخلون عن أهدافهم وعيشون فى اطار محدود هو بيت الزوجيه وأقتصاد هذا المنزل عليها وزرجها لأن الزوج أيضا تخلى عن أهدافه وجعلها محدوده فى أطار بيت الزوجيه
ويعيشوا عيشه عاديه ويخلفوا أولاد عاديه ويتعلموا عادى ويدخلوا جامعه عاديه ويجيبوا تقدير عادى ويتجوزوا جوازه عاديه ويجيبوا أولاد عاديه ويموتوا موته عاديه...............
.ليه ليه كل اللى شيفاه حولي كده
ليه ميكونش الارتياط بهدف تحقيق الأهداف بهدف الحب والراحه والاستقرار ومساعده بعض على طاعه الله وأخذ العهد بدخول الجنه اللى خلقت من أجلنا( حوا و أدم) بهدف تحقيق الأهداف لازم يكون فى هدف أحنا هنا ليه أكيد على شان حاجه معينه لازم نبحث عنها ليه ميكونش تفكير الناس على هذا الأساس ....
على فكره أنا مش بكتب ده لأنى متعقده لا لا ربنا موجود وأنا عندى يقين وثقه فى (الله عز وجل) أنا بكتب كده لأنى حسيت بكده وسط أصدقائى وفئات كتير من حولى ده معناه أن دى مشكله مشكله فى مفهوم الزواج والله أعلم ممكن تكون وجه نظرى غير صحيحه وممكن تكون صحيحه((((((((((((( ربنا هب لنا من أزواجنا وذرياتنا قره أعين )))))))آميييييين

عندما كان منتظر القطار

(((عندما كان منتظر القطار وتراوضه الأفكار أخرج القلم وبدأ يكتب يكتب ما الذى شكل عقله وما الذى عليه أقام )))))
نعم ...............................
أنه أستاذى أيهاب محروس
أعجبتنى الفكره وقمت بعرض حياتى أمام عينى ونظرت فيما قرأت وتعلمت
والله العظيم رغم ما قرأت
لم أجد فى عقلى كلام سوى كلام أبى وما علمنى من خبرات
وأيضا رأيت خلاصه العلوم وجواهر الكلمات والمعانى عاليه الفكر فى علم الأاستاذ ايهاب محروس
.الذى حين يكتب أتفهم أمور كانت موجود بالفعل ونسمعها كل يوم لكن أستاذى يكتبها بطريقه عاااااااقله تؤدى الى أستقرار النفس وليس التخبط والتشتت
(( الله يحفظ أبى مصطفى محمود و أستاذى أيهاب محروس))
منذ لحظه ما شاهدت تلك المدونه(خطوات نحو التغير) تمنيت من الله عز وجل النجاح أو بمعنى صحيح دفعتنى هذه المدونه لكى أجسد النجاح وأهدافى الحقيقه بجد حضرتك يا أستاذى غيرت حياتى ((جزااااك الله خيرا كثيرا))))
http://s4change.blogspot.com/

الحمد لله

ها ها ها ها

الحمد لله نجحت وطلعت من الأوائل الحمد لله أنا فرحانه وأهم نجاح عندى أنك يا رب تنجحنى فى أختباراتك التى تجعل قلبى متمسك بالحق ورااااااااااااااااااااااااااااااااااااااااااااضى أحمدك يا رب (((( دائما فى فضل ونعمه من الله))))))

هنا أسم بابا وأسمى ملتحق به

http://www.classicscu.edu.eg/index.htm

الحمد لله

اللهم ذكرنى دائما بحكمتك

عوده مره تانى بفضل الله بعد رحله شاقه من الأختبارات والتدبر. مريت برحله من التدبر فى حكمت ربنا من الأشياء التى تبدوا للأخرين مفزعه وبدت لى متعه ودرس لن أنساه فى حياتى (لأن لو نسيته هضيع فعلا) الحمد لله أهم شئ أستفده من الرحله دى هو البحث عن حكمت الله عز وجل وحين ذلك كان يرتاح قلبى ولا أشعر بما كان يشعر به الاخرين الحمد لله.الحمد لله
*الآن بستعد لرمضان من بدايه رجب تقريبا ومشتاقه وجعانه جدا نفسى ألتهم آيات القرآن بقلبى وجدد روحى وعزمتى وشوقى الى الله عز وجل
*وكمان بستعد لحاجه تانيه وهى النتيجه أن شاء الله هتظهر يوم الخميس لو أنا من الأوائل اللهم أرزقنى الرضى بما كتبته لى ونجحنى فى أختباراتك ( اختباراتك يا رب) وأجعلى من الفالحين وأعنى أنى مكررش الأأخطاء اللى حصلت فى سنه أولى واجعلنى أتعلم منها وأجتهد أنى أصلح من نفسى سمحنى يارب على كل شئ سمحنى يارب أنت تعلم بنفسى وما تخفى سمحنى أن نسيت أو أخطأت سمحننننننى يا ربى
*وبعمل ا جراءات جواز سفر أن شاء الله
*وكمان أن شاء الله عضويه فى ساقيه الساوى
*أمامى حوالى شهر ونصف قبل رمضان اخلص فيهم قرائه اااااااالكتب وتنميه الأنجلش ومذاكره اليونانى أن شاء الله
* وبعد ذلك أتفرغ لرمضاااااااااااااااااااااااااااااااااااااااااااااااااااااااااااااااااااااااااااااااااااااان
(أن شاء الله كل ما ربنا يكرمنى وأفعل شئ بفضله وكرمه عليا حكتب ما أنجزته فى المدونه ) أنا حبيت أكتب اللى جوايا بصوت مكتوب على مدونتى أن شاء الله ربنا يقوينى ) يارب يوم الخميس اسمى يظهر مع الأوائل يارب يارحمن

عزو التكنولوجيا

هذه هى (ايكوا) والمخترع اليابانى

غزوا التكنولوجيا جميل ومفيد لكن؟
التكنولوجيا الآن من صنع البلاد الاوربيه او بعنى اخر(بلاد غير اسلاميه)
فبتالى سوف تنتج هذه التكنولوجيا فى اطار ثقافتهم ومعتقادتهم ومعظم هذه الاشياء لا تليق بالمسلمين ولا العقيده الاسلاميه
للأسف أستمد المسلمون هذه التكنولوجيا ولم يضعوا لها تقويم دينى ليتماشى مع عقيدتنا فأدى ذلك الى تصادم وتأخر وجهل
وفساد نفسى وعقلى ودينى ايضا لكن الحمد لله بدأ المسلمون يلتفتون الى الفائده لكن بعد فتره زمنيه خلالها سبقونا فى العديد من الاختراعات و التى نستقبلها فى البدايه بطريقه خطأ ثم نأخذ وقت لكى نصل الى كيفيه الاستخدام الصح يكون المخترعين أخترعوا حاجه جديده وهكذه وهكذه............
اللى جعلنى أكتب المقال ده ان فى أختراع جديد أسمه(ايكو) عباره عن فتاه سليكون أستطاع المخترع أن يجعلها تحس وتسمع وترى وتتحدث وتعامل معها بدلا من الانثى وهى تستطيع أن تقوم بجميع الاعمال المنزليه بشكل رائع ولا تكل ولا تتعب
من رأى أختراع جميل جدا ومفيد لللللللللللكن نحن أصحاب عقيده فأذا دخل هذا الاختراع يجب أن يكون له أطار وتقويم يتناسب مع العقيده وأكيد سعتها هنستفاد منه ولن نحتاج الى فجوه زمنيه لكى نفهم كيف نتعامل مع الاختراع وهذا حل لكل الاختراعات
من المعروف أن اى اختراع ينشأ بغير أيدى المسلمين سوف يكون به عيوب عقيديه لذلك لا بئس أن نأخذ كل أنواع العلوم الاجنيه لكن نجعلها تتماشى مع العقيده الاسلاميه
كلام على جنب=( مفيش مشكله يعنى أننا نتعب نفسنا شويه ونعدل الاختراعات اللى بتغزونا من الخارج ولا خلاص عاجزين عن كل شئ عيب علينا بجد)

اليوم كان عندى أمتحان شفوى وبفضل الله ربنا فتح عليا ووفقنى كنت عمله بحث عن شاعره أغريقيه تدعى سافو وكنت فرحانه لأن فهمت سوره الشعراء فى القرآن الكريم حيث لو كانت هذه الايه موجوده فى عصر تلك الشاعره لختلف الامر وأنقظت من تلك الاتهمات الشنيعه التى أصابت تلك الشاعره الحمد لله الذى أنعم علينا بالقرآن الحمد لله
وبعد عودتى من الامتحان وأثناء العوده كنت أفكر فى الايجابيه متى أفعل أشتقت للعلم أكثر أشتقت أن أفيد أمتى ’اضع بصمتى فى الحياه أشتقت للعلم الذى ينفعنى فى الدنيا والاخره ولأن هذا هدفى أجتهد أن ادخل القرآن الكريم فى كل شئ أفسر كل شئ وبالفعل لا أحد يتخيل مدى أستمتاعى وتلذذى وثقتى ويقبنى بالقرآن الكريم اللهم للك الحمد وللك الشكر
((ربنا لا علم لنا الا ما علمتنا أنك أنت العليم الحكيم)))

سكاكين بتقطع فى الدين

سكاكين وأسلحه ومطاوى ومدافع احيانا

سكاكين أحنا يا مسلمين بنقطع فى الدين

نأخذ اللى عجبنا من هنا والى ميعجبناش ميلزمناش

سكاكين بنقطع فى الدين كده ولا حنا شايفين

ليه ؟

خلاص مش عرفين لا ممكن نكون مش فهمين

لكن أزى احنا مؤمنين بدين ومش فاهمين ايه قيمه الدين

ايه اللى حصل للمسلمين؟؟؟ ‍!

شيفين الحضارات السابقين كللللللللللل ده كان تمهيد للدين

وهنا معانا الدين ولسه مش فهمين غافلين

كل اللى عملينوا مسكين سككاكين وبنتكلم بأسم الدمقرطيه والحريه

هى الديمقراطيه القتل والخراب والتشتيت والأعتداء

ه

انا قلبى بيبكى مفطور جريح لكن مش على الدين

علينا احنا يا مسلمين يا مؤمنين ياللى بالله موحدين

سكاكين بتقطع فى الشريعه وفى السنه

وبسب السكاكين خرج منها ناس أسمهم البهاءين وياسلام على القرآنين

ولسه كمان هنسمع ونشوف

احنا نسينا قوم عاد وثمود أصحاب مدين وقوم لوط نسينا الفراعنه الشداد

كل ده كان تمهيد تمهيد لدين عظيم لسه أحنا مش عارفين

كل اللى بنعمله مسكين سكاكين

أنظر فى أ يدك شوف حجم السلاح ياترى

أنت من أصحاب السكين؟؟؟؟؟؟

رب الكون

يا من يقول للشئ كن فيكون

فكل كون انك مكونه

وكل مكون انك قلت له كن فكان

سبحانك يا رب كل مكان وكل كون وكل شئ

يا رب الكون سبحانك سبحانك

سر الحب والرومانسيه

من 4 سنوات !!
أكتشفت الحب أو بمعنى آخر أكتشقت أنا بحب مين وبسبب مين بحب؟؟؟
بصراحه كنت بسمع أغانى رومانسيه جدا لكن................... ألاغانى مدتها 5 او 10 دقائق مثل أى أغنيه فى العالم ودى فتره كلنا بنكون فيها منسجمين وعاطفيين جدا مع الاغنيه لكن بعد أنتهاء هذه الفتره بتروح هذه الحاله والدليل....... أننا بنرجع نشغل الاغنيه تانى على شان ننسجم تانى .............طيب سألت نفسى سؤال وهو كيف أصبح منسجمه وعاطفيه 24 ساعه ؟ بعد السؤال أكتشفت الأجابه وحاله من الرومانسيه لكن لما بعدت عن تلك الأغانى المؤذيه بطلت أسمع أغانى وأتجهت الى بحر الاناشيد الدينيه ومن سعتها بقيت أكتر رومانسيه ...........لأنى بفعل اللى هأخذ عليه ثواب دنيا وأخره لأأن الأغنيه جزء من الدنيا الفانيه لكن حب ربنا باقى دنيا وآـخره أيهما أفضل بالذمه؟ بكده أنا حولت الرومانسيه لحسنات أستثماريه هحصل على فوائدها فى الدنيا والآخره *فى الدنيا قلبى مع الله**والآخره الثواب من الله* ومن سعتها عرفت أنا بحب مين وبحب على شان مين .......أنا بحب ربنا وكل شئ ربنا خلقه ولو حبيت حد هحب على شان بحب ربنا
ملحوظه : مقال للنشر فى مجله القسم

قصصى مع القرآن1

بسم الله الرحمن الرحيم

قصتى مع القرآن الكريم بدأت ببكاء ليس بعادى

كنت سعتها فى بدايه 2 ثانوى يعنى من 3 سنين فاتوا ولله الحمد

كنت ماشيه أنا وزميله ليا وكنا بنتكلم عن القرآن ففجأه قالت لى أنا حفظه سور البقره منذ أن كنت فى الصف الثالث الأبتدائى أصابتنى الصدمه والحسره

فضلت طوال الطريق أكلمها عن طريقه حفظها وكيف وما الصعوبات التى واجهتك

هى كانت فى مسابقه فى ثالثه أبتدائى تبع المدرسه وكانت بتحفظ كل يوم 5 آيات وحفظتها و فازت

(((( متلككتش وقلت مهما معملوش كده فى مدرستنا))))

لالا الحمد لله ذهبت الى دارى ودخلت حجرتى وأنقضيت على سريرى وأخذت أتخفى بدموعى داخلى مخدتى حتى أصابتها السيول التى كانت تفيض من قلبى وعينى

وبعدها بفضل الله أشتعلت جوايا العزيمه وكنت أحفظ ورد يومى حوالى 3الى5 آيات وملكه الحفظ أخذت فى الارتفاع الى أن وصلت الى أكثر من 10 آايات فى اليوم الى جانب مذاكره الثانويه العامه أخذت سوره البقره 9 شهور فى حفظها 9شهور تقريبا من التحدى لنفسى والحمد لله ألانتصار عليها

فعندما أقول لأحد سوره البقره يقول دى كبيره دى طويله المفروض تبدأى بالسهل وهذا أكثر شئ جعلنى سعيده أنى تغلبت على ما يظنه البشر بالصعب الحمد لله الحمد لله

فعلا فرحت بنصرى على نفسى

سلسله يالا ندردش(( للأستاذ ايهاب محروس))

أنا طالبه فى مدرسه الأستاذ ايهاب محروس

كنت جالسه ابحث فى المدونات على معلومات وأشخاص أصحاب فكر لكى أقرأ وأستفاد وفقنى( الله عز وجل) لكى أجد تلك المدونه التى أصبحت بمثابه اساس من اساسيات حياتى هى عندى مثل الماء الذى يروى عطشى الى المعرفه والعلم والأهم هو أنى عرفت من خلالها الكيفيه. الطريقه التى أستطيع أن اصل بها الى ما أريد الطريقه التى بها أستطيع أن أقضى دورى فى الحياه الذى خلقت له

الحمد لله الحمدلله الحمد لله سعادتى الان ليس لها وصف ((أكرمك الله يا أستاذى وبارك فيك)) ومهما كتبت لا يفى ما علمتنى اياه بفضل الله فى هذه الفتره القصيره

حزينه

أكتب اليك وأنا حزينه والدموع تملئ قلبى ليس عينى

والصمت مسيطر على لسانى والقلم عاجز عن الكتابه

والشعور حائر والتفكير مستمر

.تفكير تائه ضليل لا يرى بر الأمان لا ير الميناء الذى يرسى فيه

.وكما ذكرت الدموع تملئ قلبى ليس عينى

.ودموع القلب أصعب من دموع العين

لأن دموع العين ظاهره أما دموع القلب فهى حزن مكبوت بداخلى

لا يراه غيرى لا يحس به غيرى

ولو كتبت صفحات وصفحات لا يصل أليك ما بداخلى وعلى الرغم من ذلك

أكتب اليك

سر الرومانسيه

بسم الله الرحمن الرحيم

4 سنوات ؟

بطلت أسمع أغانى من 4 سنوات!

تعرفوا ليه ؟

لأ............

ليس لأنه حرام؟ ليس لهذا السبب فقط

لكن..............

لأنى فكرت ...نعم فكرت بالعقل والمنطق

اولا:فكرت وقلت لنفسى كم من الوقت تستغرق الاغنيه الواحده؟

10او5 دقائق بمعنى أنى بكون سعيده ومشاعرى منسجمه لمده 10 او5 دقائق وماذا بعد ذلك الوقت؟

ثانيا: كنت جالسه بسمع أغانى رومانسيه ودخل أخى الصغير مثلا وأطفأ الموسيقى ماذا كان رد فعلى؟

وكانت الاجابه:

اولا: ليه استمتع 10 او 5 دقائق فقط هل هناك طريقه تجعلنى أستمتع طوال الوقت؟ نعم هناك طريقه هى القرآن والاناشيد الدينيه وبدأت بالاناشيد الدينيه كبديل للأغانى ودخلت عالم المنشدين ولاحظت أن هناك العديد من المنشدين يمتلكون أصوات فى غايه الجمال والرقه والعذوبه لذلك قلت ليس لى حجه وبعد ذلك لاحظ نفسى وتدبرت حالى اكتشفت انى أصبحت رومنسيه أكثر مستمتعه 24 ساعه لانى وجهت الطاقه اللى جوايا الى الله عز وجل الله هو الحب *حب ربنا عز وجل هو ده الحب ولو حبيت شئ هحبه على شان بحب ربنا *هو ده أحساسى اللى أتولد منذ لحظه تركى الاغانى
ثانيا : عندما كان يزعجنى أحد عند سماعى الاغانى كنت أنفعل عليه وأفعل تصرفات عصبيه لكن كل هذا أصبح سراب بمجرد ترك تلك الأغانى حيث لا يمكن أن أفعل هذه العصبيه وأنا أقرأ فرآن أو أسمع أغانى دينيه التى ترتفع بروحى الى أعلى جبال الرومانسه سبحان الله على مدى الفرق شتان الفرق بين الأثنين
ثالثا: الأجر_ عندما أسمع الأغانى هكون منسجمه فتره بسيطه لكن بالقرآن والاناشيد الدينيه سوف أستمتع دنيا وأخره
(((((لأن الدنيا زائله مهما حصل وصغيره جدا والاغانى دى جزء من الدنيا الفانيه الزائله ...لكن حب ربنا باقى دنيا وأخره وربنا هو الحب ))))ولو صدق حبى لله أكيد هحب كل حاجه ربنا خلقها أنا بحب ربنا وبحب كل شئ على شان ربنا خلقه هعيش مرتاحه وسعيده فى الدنياو هرتاح كمان فى الاخره الحمد لله لأن أصبح قلبى صافى من شوائب ألاغانى حتى لو الاغانى شغاله فى المواصلات او فى أى مكان أصبحت لدى مناعه ضد هذه الاغانى قلبى لا يلتفت لها
ملحوظه: بحب ربنا وبحب كل شئ على شان ربنا هو الخالق لكل شئ حب ربنا هو الرومانسيه تذكير القلب بهذا الحب هو سر الرومانسيه والمفتاح ف(القرآن والاناشيد الدنيه) وهذا كان تفكيرى فى هذه الفتره وها هنا اليوم قلبى يحصد نتاج هذا التفكير ( الحمد لله الذى هدانا لهذا وما كنا لنهتدى لولا أن هدانا الله)

حى على الفلاح

الحمد لله
اسم بابا اللى اسمىمنتسب اليه مكتوب هنا فى لوحه الشرف


الحمد لله
النتيجه مكتوبه هنا
http://www.classicscu.edu.eg/index.htm

الحمد لله الحمد لله الحمد لله
طلعت الاولى على الدفعه اصحابى بيتصلوا بيا وبيقولوا لى مبروك وبيهنونى
احساس جميل ............لكن يا رب وفقنى دائما
(اللهم ارضنى بما كتبته لى)
(ربنا لا علم لنا الا ما علمتنا انك أنت العليم الحكيم)
(اللهم اجعلنى أفعل كل شئ لوجهك الكريم يا رب صلاتى ودينى وحياتى ومماتى لك يارب العلمين أحمدك وأشكرك)
المحافظه على النجاح أصعب من الوصول اليه
سترك يا رب

خايف من المكتوب؟؟؟؟ليه!

سألت نفسى فى يوم سؤال

قلت ليه احنا بنذهب ونروح ونختار ونتحرك مع ان كل شئ مكتوب( ربنا عزوجل) كاتب كل شئ؟

سبحان الله أكرمنى ربى بالأجابه وكانت

((( لو البشر اعتمدوا أن كل شئ مكتوب سوف نصبح جماد بلا حركه لكن الاشياء التى تحدث فى الحياه من شأنها أن تقربنا الى الله نتعلم kنلجأ الى الله عز وجل أقول يارب محتجالك يا رب أعمل ايه يا رب الامر كله بين يديك يارب أنا معرفش حاجه انت يا ربى العليم )))

الصراحه احساااااااااااااااااااس جميل لما تعرف انك ضعيف تعرف حقيقه نفسك يا عبد الله من سعتها قلت

ان شاء الله هكون قويه فى الله لان ربنا بيحب المؤمن القوى وده لأنى عرفت انى الضعيفه الفقيره الى الله عز وجل مالك الملك

بجد وفكرت فى كل الاحداث اللى حصلت لى فى الماضى ورأيت سبحان الله لولا هذه الاحداث ما كان هذا حالى الحمد لله الحمد لله

أحسن حاجه ان الانسان يفكر فى الماضى ويضحك لأن الماضى أصبح ذكرى ونتعلم منه ونحمد ربنا عز وجل انه نجانا من هذا الماضى

وننظر الى المستقبل ونضحك اوى لكى نضع خطه وهدف ونبنى حياه بعيده عن معصيه الخالق قريبه جدا من طاعه الله وكده أكيد هتلاقى مستقبل باسم

والآن فى هذه اللحظه اضحك لأنه لاداعى للقلق( فالماضى والمستقبل وانت الان كله بأمر الله عز وجل) اضحك وعيش أحل ما فى اللحظه

تنبيه هام :اياك تبطل تضحك(لا اله الا الله) قل هذا الكنز لقلبك كثيرا أى حاجه تحصل قل( لا اله الا الله)

هنقابل ونشوف

((كل يوم هنقابل ونشوف

عيون ووشوش وناس كتير ملهاش عدد

ننبهر ننفزع نبتسم نحبهم ندور نلف ندور

لكن

الشئ المعقول أن كل يوم بنشوف وشوش وحفر وزمان وتاريخ وأمل وتفائل مع شويه زعل وحبه زهق

لكن

معقول هنا فى الحوش ايوه الحوش ؟

اللى مليان وحوش ايوه فى حوش الدنيا المنفوش اللى فى ثوانى هيصبح فشوش ومش هنشوفوا ولاهنروح ولا هنلف ولا هندور وسعتها هنكون فى مكان مقفول مستور عن العيون والوشوش محجوب )))

((كل يوم هنقابل ونشوف عيون ووشوش وناس كتير ملهاش عدد ننبهر ننفزع نبتسم نحبهم ندور نلف ندور لكن الشئ المعقول أن كل يوم بنشوف وشوش وحفر وزمان وتاريخ وأمل وتفائل مع شويه زعل وحبه زهق لكن معقول هنا فى الحوش ايوه الحوش ؟ اللى مليان وحوش ايوه فى حوش الدنيا المنفوش اللى فى ثوانى هيصبح فشوش ومش هنشوفوا ولاهنروح ولا هنلف ولا هندور وسعتها هنكون فى مكان مقفول مستور عن العيون والوشوش محجوب )))

السألت نفسى فى يوم سؤال قلت ليه احنا بنذهب ونروح ونختار ونتحرك مع ان كل شئ مكتوب ربنا عزوجل كاتب كل شئ؟ سبحان الله أكرمنى ربى بالأجابه وكانت((( لو البشر اعتمدوا أن كل شئ مكتوب سوف نصبح جماد بلا حركه لكن الاشياء التى تحدث فى الحياه من شأنها أن تقربنا الى الله نتعلم ناجأ الى الله عز وجل أقول يارب محتجالك يا رب أعمل ايه يا رب الامر كله بين يديك يارب أنا معرفش حاجه انت يا ربى العليم الصراحه احساااااااااااااااااااس جميل لما تعرف انك ضعيف تعرف حقيقه نفسك يا عبد الله من سعتها قلت ان شاء الله هكون قويه فى الله لان ربنا بيحب المؤمن القوى وده لأنى عرفت انى الضعيفه الفقيره الى الله عز وجل مالك ملك

أغرب رساله

بسم الله الرحمن الرحيم

كنت جالسه على ألايميل الياهو الخاص بى وفجأه ظهر لى رساله اوف لاين من أيميل مجهول لا اتذكر انى اعلم عنه شئ لانى لا اتحدث مع احد غير اصدقائى البنات فقط* الحمد لله* وبعض الشخصيات العامه بمعنى لا اعلم شئ عن هذا الايميل وكانت الرساله المثيره للدهشه تقول(((((ذات مره وقع طائر فى غرام ورده بيضاء فقرر ان يصارحها بحبه ولكنها رفضت وقالت أنا لا احبك فظل يصارحها بحبه بشكل يومى وأخيرا قالت له الورده البيضاء عندما يصبح لونى احمر سوف احبك وفى أحد الأيام آتى الطائر وقطع جناحيه ونشر دمه على الورده فتحول لونها ألى احمر فأدركت الورده كم أحبها الطائر لكن الوقت فات لأن الطائر قد مات لذلك .عليك احترام مشاعر الشخص الذى يحبك قبل أن يموت وسيظل يحبك مهما مرت الأيام)))))

هذا كان نص الرساله الغريبه ولكن لم اهتم ان ارسل رد لها لأنى لا اعلم مصدرها وفضلت نقلها هنا وان ارد على هذه الرساله فى مدونتى وردى هو(( وما ذنب الورده البيضاء ان تغير لونها بدماءك .فأنت تطير فى السماء وهى متمسكه بألارض انت تتلاشى الليل فى اغصان الشجر وهى تنام والليل يأويها وانت تتخفى من المطر وهى تنظر ألى المطر تتلقى قطراته فأنت لك حياه وهى لها حياه فكيف للعصفور ان يزرع قدمه فى الأرض وكيف للورده ان تحلق بأوراقها))))

الفن فى سطور

الفن كائن هادئ النبرات .عميق الاحساس بالجرح.يمتلك القدره على تنظيم الغضب وتذوقه فى خط ألافق كى يفقد تشنجه ووعشوائيته ويستحيل من شلال صاخب الى نبع دائم التدفق بالمعانى.والحوافز .والألوان

تعليق=من كتاب( قطرات من الحبر) للكاتب يوسف القويرى

اللهم صلى وسلم على سيدنا محمد

السلام عليكم ورحمته الله وبركاته

الاسم=محمدبن عبد الله بن عبد المطلب بن هاشم بن عبد مناف بن قصى بن كلاب

قبيلته=قرشى هاشمى

كنيته= ابو القاسم

امه=آمنه بنت وهب بن عبد مناف بن زهر بن كلاب

قبيلتها=قريشيه زهريه

ولادته=ولد(صلى الله عليه وسلم) بمكه دار عمه ابى طالب

تاريخ ولادته=يوم الاثنين 12 ربيع الاول من عام الفيل(الوافق20ابريل \نيسان عام 571 قبل الميلاد

نشأ يتيما=توفى ابوه وامه حامل فيه.....حيث مات امه وعمره 6 سنوات فكفله جده عبد المطلب ثم مات جده ...فكفله عمه ابو طالب ....أرضعته حليمه بنت ذؤيب...من قبيله بنى سعد

زواجه=تزوج خديجه بنت خويلد بن اسد القرشيه وهو فى الخامسه والعشرون من عمره وهى فى الاربعين ماتت خديجه رضى الله عنها قبل الهجره بثلاثه سنوات تزوج بعد خديجه رضى الله عنها بقيه زوجاته الطاهرات......

فتزوج=سوده بنت زمعه رضى الله عنها

تزوج=عائشه بنت ابى بكر الصديق...رضى الله عنها

تزوج=حفصه بنت عمر بن الخطاب...رضى الله عنها

تزوج=زينب بنت خزيمه بن الحارث...رضى الله عنها

تزوج=أم سلمه واسمها هند بنت أميه...رضى الله عنها

تزوج=زينب بنت جحش...............رضى الله عنها

تزوج=جويريه بنت الحارث .....رضى الله عنها

تزوج=أم حبيبه واسمها رمله بنت أبى سفيان....رضى الله عنها

تزوج=صفيه بنت حيى بن أخطب....رضى الله عنها

تزوج=ميمونه بنت الحارث.....رضى الله عنها

تزوج = ماريه القبطيه.......رضى الله عنها

اولاده= 3 ذكور ...4 اناث.....ولدت له خديجه ( القاسم وعبد الله.).. وقد ماتا صغيرين ...وكان (عبد الله )يلقب بالطاهر والطيب.... ولد ت له ماريه القبطيه ( ابراهيم..). ومات صغيرا ايضا

بناته= زينب ورقيه و أم كلثوم وفاطمه.... وهؤلاء كلهن من خديجه...توفى جميع اولاده فى حياته (عليه الصلاه والسلام) ما عدا ابنته فاطمه

بدأ دعوته سرا =مده ثلاث سنوات

ثم أمره الله أن يجهر بها وينذر قومه فأعلن الدعوه الى توحيد الله تعالى ونبذ الاوثان لقى صدا وعنتا من كبار قريش وصناديدهم وأوذى اصحابه الكرام فأذن (صلى الله عليه وسلم ) لهم بالهجره الى الحبشه وهى أثيوبيا اليوم

فهاجر اليها 83 رجلا عدا النساء والاولاد ثم أمره الله تعالى بالهجره الى المدينه فهاجر اليها مع ابى بكر فى السنه ألاولى الهجريه الموافق سنه 622م

جرت بينه وبين قريش = غزوات انتهت بفتح مكه سنه ثمانى للهجره دانت له العارب واتته وفودها تعلن اسلامها سنه90.10 للهجره

وفى سنه10 للهجره حج حجه الوداع وعاد الى المدينه ثم توفى فيها فى 12 ربيع ألاول عام 11 للهجره _ الموافق 8 يونيو\ حزيران سنه 632م))

اهم الاحداث فى حيات الرسول ( صلى الله عليه وسلم)

الاسراء ةالمعراج= وكان قبل الهجره بثلاث سنين وفيه فرضت الصلاه

السنه 1ه= الهجره وبناء المسجد و وبدايه تأسيس الدوله وفرض الزكاه

السنه 2ه=غزوه بدر الكبرى

السنه3ه= غزوه احد

السنه4ه=غزوه يهود بنى النضير

السنه5ه= غزوه بنى المصطلق ...وغزوه الاحزاب... وغزوه يهود بنى قريظه

السنه6ه= صلح الحديبيه.

السنه7ه= غزوه خيبر وفى هذه السنه اعتمر الرسول( صلى الله عليه وسلم) والمسلمون اول عمره فى الاسلام.

السنه9ه= غزوه تبوك وهى اخر غزواته (صلى الله عليه وسلم) فى هذه السنه دخل الناس فى دين الله افواجا وسمى هذا العام عام الوفود.

السنه10ه= حجه الوداع وحج فيهالنبى(صلى الله عليه وسلم) مع اكثر من مائه الف مسلم..

السنه11ه = وفاه الرسول (صلى الله عليه وسلم)