الصبر

"انا هموت وأتجوز خلاص مش قدره"
انا هدفع نص عمرى بس أتخرج من الكليه دى بقى "
"يارب يارب يارب أجيب االلابتوب والموبيل أبو كاميرا اللى نفسى فيه "
"ونبى ونبى ونبى ونبى يااااااااااارب   اسافر "
"انا نفسى نفسى كده منى عينى انى اكون  مهندس كبير كده قد الدنيا"
"انا خلاص زهقان عايز  أكون المدير انا لازم اكون المدير"
" عايز أخلف وأجيب ولد يقولى يا ماما بقاالى أسبوع متزوجه ولسه مخلفتش ياااااااااااااارب نفسى فى عيل  يونسنى فى وحدتى"
"يااااااااااااااارب يكلمنى بقى ويجيى يخطبنى"
:)
 بسرعه بسرعه بسرعه
كل حاجه عايزينها بسرعه
الطبيعى ان الانسان يتمنى لكن الغير طبيعى انك تتمنى الشئ وتكون عايزه يتحقق فى نفس اللحظه الى تتمناها فيه
 الخيال والتمنى دول عباره عن شئ داخل الأنسان  وطالما انت فكرت فيه أكيد هتحققه  بس بشرط انك تعمل  العمل اللى يجعل أحلامك تتحقق
 كلنا الان عايزين كل حاجه بسرعه  ونسينا  "الصبر"
هل فكرت فى يوم يعنى أيه الصبر؟

قول يعنى أيه؟!!!!

ها   سمعنى
 فكر كده مع نفسك شوف كام حاجه انت مستعجل انها تحصل وعمال تحرق فى دمك وتجيب لنفسك فكر واكتئاب لأنك مش عارف توصلها الان
طيب ليه؟
لأنك مش صابر
اصبر
اصبر شويه
انا بقى هقولكم أيه هو الصبر ؟




تعرف الصبر نوعين
*أنك تصبر على كارثه
*أنك تصبر على فرحه
أنك تصبر على كارثه هو الصبر عند المرض انك تتم الشفاء على شان تعرف تقف تانى على رجلك او أنك تصبر على وفات شخص عزيز عليك أو انك تصبر على اى شئ سيء حدث لك
والصبر على الفرحه
"ده بقى حبيبى"
انك تنتظر  تنتظر انك تنجح تنتظر ان تفرح تنتظر ان تتجوز مثلا تنتظر ان تسافر  لكن الميزه اللى فيه هو انك بتنتظر مع العمل
لكن الصبر على الكارثه بيكون فيه العمل اقل
أسعى وانتظر وانت هتلاقى النتيجه اول ما تشعر أنك نفسك فى حاجه أوى أصبر عليها واشتغل عليها يعنى =أشتغل واصبر عليها  وهى هتكون عندك
أصبر كل حاجه ليها وقت معين
انا عن نفسى اتعلمت من الصبر مناجات الله لأنى بناجى الله وبكلمه انه يقضى لى الأمر وانه يصبرنى وانا واثقه جدا جدا ان ربنا هيقضى لي أمرى
وللمناجاه متعه جميله
فكلما كنت صبورا  كنت مناجيا لربك أكثر والمناجاه هلى روح العباده  وربنا خلقنا لكى نعبده يبقى انت كده ماشى صح  فى الطربق اللى ربنا انزله
واصلا كل شئ ليه وقته
الحكمه من الأنتظار هى حب ربنا ليك هى حب ربنا انه عايز يسمع صوتك وعلى فكره بقى كل حاجه انت بتدعى  بيها ربنا سبحان الله بتتحقق ولو حتى بعد حين
 وبالنسبه للناس اللى بتتأجل طلبتهم مثلا بنت دعت ربنا انها تتزوج وربنا أخرج زوجها طيب  فى حاجه اسمها "البركه " ممكن يرزقك ربنا بزوج تعيشى معاه ولو حتى سنين قله لكن تكونى فيهم أسعد انسانه فى الكون
إذا من الصبر تتولد المناجاه ومن المناجاه العباده ومن العباده الصراط المستقيم الى الجنه
وايضا فى الصبر بركه ورزق فى العمر

الصبر يا جماعه
ودعواتكم :)))
فكريه مصطفى