فى يوم من الأيام
كان عندى أمتحان
الأمتحان كان
فى مدينه نصر
وخلصت الساعه 8 مساءا
وقررنا انا وصدقتى اننا نكمل مشوار العوده الى المنزل سيرا على الأقدام من ناحيه الكورنيش وبالفعل مشينا من الكورنيش وكانت صدقتى حزينه وزعلانه و طول الطريق بتكلمنى عن الحب والفرق بين الحب زمان والأن
وانا اساسا مش عارفه أقولها أيه وهى مصممه انى أقولها تفسير بما أنى فيلسوفه لازم أقول تفسير لهذه الظاهره
المهم أنى اتخنقت جدا جدا وطول الطريق ساكته بسمعها وفجأه.........................
جلسنا على أحد المقاعد لنستريح وساعتها عينى نظرت الى السماء وهنا حدثت الفضيحه على الكورنيش
لما بصيت فى السماء وجدت فيها نجمه واحده واحده فقط
قولت لصحبتى استنى انا عرفت المشكله خلاص وعرفت تفسير ليها استنى استنى بصى كده فى السماء
لما بصت قلتلها بصى عدى النجوم اللى فى السما قالتلى آآآآآآآاه نجمه واحده بس
قلتلها طيب هى دى مشكله الحب !!!!!!!!!!!!!!!!!!
أزاى بقى ؟!!!!!
"زمان السما كانت مليانه نجوم فكان اللى بيحب بقعد طوال الليل يعد النجوم يعد النجوم يعد النجوم
لكن الأيام دى شوفتى مفيش غير نجمه واحده يعنى مفيش صبر واستحمال وحركات من دى"
هنا الفضيحه حصلت البنت جتلها هستريه ضحك وعماله تضحك تضحك واحنا على الكورنيش والكل بيتفرج
المهم أنى بدأ اتكلم معها وكان هذا حديثى لنفسى اولا ثم لصدقتى
" اللهم ارزقنا حبك وحب من يحبك وحب كل عمل يقربا الى حبك"
فى معادله بتفسر ليه بحدث الفتور فى الحب او ليه بعد فتره الحب بيضيع ويقل وهى................
عندما تختار حبيبك لكى يكمل فيك نقص انت محروم منه يحدث هذا الفتور
ليه؟؟؟؟؟؟؟؟؟؟
لأنه اول ما بيسد هذا النقص خلاص الشئ الفارغ اللى كان جواك راح وبالتالى بيروح الحب
ومثال على كده لو واحده تزوجت من واحد مثلا على شان الفلوس اول ما بتروح الفلوس العلاقه بتكون وحشه جدا بينهم
واللى تتزوج من واحد على شان يحسسها بالحنان اللى أبوها حرمها منه أول ما تحس بالحنان وتشبع تبدأ تمل والحياه تمل ايضا
واللى تتزوج من واحد على شان وسيم وجميل اول ما الجمال يروح تروح معاه كل حاجه
وهكذاااااااااااااااااااااااااااا كتير
المشكله مشكله أختيار
عندما أجلس مع اصحابى او فى الندوات . وأحد الحضور يدخل فى موضوع الحب دائما اسأله ليه ؟
اخترت فلان ليه؟
او اخترتى فلانه ليه؟
لازم نسأل نفسنا احنا اخترنا ليه؟
على شان المال؟
ولا الجمال؟ولا الحنان المفقود؟
ولا أيه؟
وكل دى اختيارات فاشله والأختيار الأحسن هو....................
هو اختيار الله عز وجل فى الانسان
نعم
بمعنى.....
الله فى حياه الشخص" كبير ولامتوسط ولا منعدم"
بلاش نبص على الظاهر المهم انك تعرف الانسان ده علاقه بالله عمله أيه؟
لو ملتزم فى صلاته أكيد هيكون ملتزم معاكى فى حياتك
لو بيتقى الله فى السر والعلن أكيد هيخاف عليكى ومش هيظلمك
لو شايف ربنا فى كل حاجه بيعملها أكيد مش هيأكلك من حرام
تابعى الأنسان من بعيد لبعيد وشوفيه مع الله
فإذا كان مع الله فهو خير العبد وخير الزوج
تعرفى لما تحبى شخص على شان هو بيحب ربنا وهو كمان يحبك على شان انتى بتحبى ربنا وحبتيه على شان هو بيحب ربنا معنى كده انكوا انتوا اتجمعتوا على حب ربنا
وحب ربنا خير وأبقى
حب ربنا هو الحب الحقيقى
اللهم ارزقنا ازواج صالحين يحبونك ويحبون رسولك
عندك حق فعلا الاختيار بجد بيكون رائع لما يكون مجرد
ردحذفمن اى شيء مادى المعنوية اهم بكتير
بس تفتكرى فى مكان للكلام ده فى زمن الناديات بتخيم على كل حاجة حتى المشاعر والحب
للاسف لا اعتقد
صحيح كلامك لازم ننظر الى المجتمع
ردحذفلكن سؤال لو تقدم ليكى أنسان غنى جدا ومعاه إمكانيات كتيره لكن اخلاقه سيئه هل هترضى به؟
هنا النقطه فى ناس فى زمانا هذا بيرضوا بأى شخص طالما معاه فلوس
انا اللى اقصدته اننا لازم نحرص على الاخلاق ومش نتنازل عن مبدأ معنوى على شان الماده لأن للأسف احنا اللى بنختار
والدنيا فيها ناس كتير صاحبه اخلاق ومال وإمكانيات فى نفس الوقت المهم ان كل انسان يتقى الله فى نفسه ويعد نفسه جيدا حتى يرزقه الله بمن يستحقه"الطيبون للطيبات"
لاول مرة فى حياتى أقرأ مقال وأحس ان انا اللى كاتبة ... اه انا اللى كاتبة بكل كلمة فية .. انا اللى كاتبة ... انا اللى حاسة ... انا اللى شايفة ...
ردحذفمع أحترامى ليكى يا استاذة فكرية ( طبعا انتى صاحبة المقال )
بس انا اللى كاتبة ^_^